ஜாக்கிரதையான திருடர்கள்.

உச்சி மத்தியானம் உலக அழுக்குகளைசுமந்தபடி கொல்லைப்புறத்தில் தாள்பொறுக்கும் சிறுவனை, பாத்திரங்கள் விற்க வந்து முன்மரநிழலில் இளைப்பாறும் முதியவரை, முகவரி தெரியாமல் கிராமநிர்வக அலுவலரைத் தேடிவந்து திக்கிநிற்கும் கிராமத்து தாயை, கடைக்குப்போகும் மனைவியைக் கடந்துபோகும்எவனோ ஒருவனை, பார்த்த மாத்திரத்தில் குலைக்கிறது சந்தேகநாய், வீட்டுக்குள்ளிருந்தே திருடும் தொலைகாட்சிப் பெட்டிக்கு வாலாட்டியபடி.