ஷாஜஹானின் கவிதை.

வலிகளின் கொடுமையை உரக்கச்சொல்லும்இவை எழுத்தாளர் ஷாஜஹானின் கவிதை. கருப்பும் வெளுப்பும் --------------------------- கருத்தவன் காணும் உலகு ஒன்றாகவும் வெளுத்தவன் பார்ப்பது மற்றொன்றாயும் எதிரெதிர் திசைகளில் ஒரே வாழ்க்கை. கடலோர வீட்டுக்கு உயிர்பயம் தந்து. மாடவீதியில் இதம் சுகம் தந்தும் வெவ்வேறாய் அர்த்தப்படுகிறது அதேபௌர்ணமி இரவு. குடிசை வீட்டின் தூக்கம் கெடுத்தும் வீட்டில் தாலாட்டிக் கொடுத்தும் மாறு பட்டு நிறம் காட்டுகிறது அந்திநேர கனமழை. உரைபனிக் கொடுமையைஒரு போதும் அறியான் வெப்ப நாட்டான் பெண்ணின் வலிகளெப்படி அறிவான் ஆணாய்ப்பிறந்தவன். அடங்கிப் போவென நீ போதிப்பதற்கும் அத்து மீறி அவன் கொதிப்பதற்கும் ஊருக்குள் உன்வீடும் சேரியில் அவன் வீடுமாய் பிரிந்துகிடப்பதே காரணம் என்றுணர்.