தரையிறக்கும் இயல்புகள்.

எப்படியோ தப்பித்துவிட்டது
வழிதப்பிய வண்ணத்துப்பூச்சி.
சுழலும் மின்விசிறியைப்பார்த்து
பதைபதைத்துக்கொண்டிருந்த என்
இலக்கிய கொமட்டில் இடித்தபடி
விசைப் பொத்தானைஅணைத்தது விட்டு
அடுக்களைக்குப் போனாள் காரியக்காரி.

வீட்டைக் கடக்கிற போதெல்லாம்
படபடக்கிற படபடக்கவைக்கிற
பெயர் தெரியாத வண்ணத்துப்பூச்சி
டீச்சர் இல்லையாவென நடுக்கூடத்தில்
வந்து நின்றுகொண்டு கேட்டபோதும்
திகைத்திருந்தேன் செய்வதறியாது.

வெக்கையும் மௌனமுமாக
வியர்த்திருந்தது வீடு
காத்தாடி போடக்கூட முடியாம
அப்படியென்ன யோசனையென்று
இயல்பாக சுழலவிட்டாள் சூழ்நிலையை.