விதி வலியது.

ராஜகுமாரன் கதைகளில்,
பக்கத்துவீட்டு அக்கா சொன்ன
விடுகதைச்  சேதியில்,
அண்ணன்களின் கண்களில்,
அவர்கள் வளர்த்த தாடியில். 

விரும்பிப் படித்த சிறுகதைகளில்,
திரும்ப திரும்ப படித்த நாவலில்
தூர தேசத்தில்,தலைநகரில்,
சினிமாவில்,அடுத்த தெருவில்
அண்டை வீட்டில்
பற்றி எரிந்தது தீ .

தண்ணீர் வாளியோடு
நானும் காத்திருந்தேன்.
திடீரென்றென் தண்ணீர் வாளி
காணவில்லை.

அப்போது அடுத்த தெருவில்
என்வாளியும், என்கதையும்
யாரோசிலர் கையிலிருந்தது.